HISTORIA

Nace esta agrupación a finais de 1988, entrando a formar parte do panorama musical de ferrolterra, coa única bagaxe da súa gran afección e ganas de superarse. Así, a comezos de xaneiro de 1989, inician os seus ensaios para poñer en marcha este proxecto.

Fan o seu debut como Rondalla o 18 de Marzo de 1989 na Noite das Pepitas (día grande en Ferrol dedicado a homenaxear á muller ferrolá). En abril do mesmo ano, e despois da boa acollida que o público les depara, é cando os compoñentes constitúense formalmente como Agrupación Artística Ferrolá «Bohemios». A música tradicional ferrolá é o comezo da agrupación.

Amplo é o número de escenarios de Galicia en que a Agrupación interpretou as súas cancións, practicamente en todalas entidades socioculturais ademais en diferentes auditorios e teatros.

Actuacións en: Portugal, Vila do Conde con motivo do 50 aniversario do Rancho dá PrÇa, Porto (Palacio de Cristal da Feira Internacional de Mostras), Viveiro (Certame Anual de Habaneras), A Coruña (do IX aos XXVI Encontros Corais de Habaneras «Ciudad da Coruña», Vigo (Feira de Turismo e Alimentación), Feira Internacional de Silleda, Maceda (Ourense), Teatro Palacio Valdés e Casa de Cultura de Avilés (V, VII e X Encontros Corais de Habaneras), Centros Galegos de Xixón, Barcelona e Madrid, XVII Edición da Gran Noite de Galicia no hotel «Raíña Sofía» de Barcelona, patrocinada polo gremio de Hostalería e seleccionados pola Directiva da Noite de Galicia en Barcelona, presidindo os actos o Presidente da Generalitat de Cataluña, Excmo. Sr./Sr. Jordi Pujol, recital na FITUR do ano 2000 celebrada na Cidade Condal, patrocinado polo Gremio de Hostalería e seleccionados pola Concellería de Turismo do Concello de Ferrol, Certame de Habaneras no Teatro Bérgidum de Ponferrada (León), XI Trovada de Habaneras de Mayorga (Valladolid), son nomeados artistas con mención especial na FESTA ESPAÑOLA no Club Metropole de Las Palmas de Gran Canaria, XV Ciclo Coral Internacional de Polanco (Santander), así como diversas actuacións na R.T.V.G. En todalas actuacións levan un repertorio que se nutre do folclore galego e español: danzas, habaneiras, valses, ademais de pezas tradicionais galegas.

En Avilés son premiados co galardón do primeiro «Llagarón de Pascua», recibíndoo de mans do presidente da Asociación da Prensa de Avilés, e a «Faba de Prata» recibida da asociación con este mesmo nome.

En Ourense conseguen o primeiro premio no II Certame Internacional de Rondallas e Corais organizado pola Rondalla Alecrín «A Troia», patrocinado pola Deputación de Ourense e a Consellería de Cultura e Comunicación Social da Xunta de Galicia.

O 11 de maio de 2002 no salón de plenos do Excmo. Ayto. de Ferrol, e apadriñado polos alcaldes de Avilés e Ferrol, realiza o Irmandamento Musical co Coro do Centro da Habana de Avilés.

En xaneiro de 2007, actuaron en Segovia realizando unha serie de actuacións: Teatro Juan Bravo de Segovia, Palacio da Granxa, Neva. E en marzo de 2009 trasladan cos seus cantos e «roldas» a tradicional «Noite das Pebidas» ás rúas da capital Segoviana. En outubro de 2010 celebran o V Irmandamento Musical, nesta ocasión coa Agrupación Folclórica Santa Cecilia da cidade de Huesca. En outubro de 2011, celebran o VI Irmanamento musical coa Agrupación Folclórica Tres Parral de Burgos.

Con especial interese participan en eventos organizados a favor de entidades e centros benéficos.

O 7 de xaneiro de 2014, coa firma do Alcalde-Presidente do Excmo. Concello de Ferrol D. José Manuel Rey Varela e do Secretario Xeral Leopoldo Moure García, acórdase en sesión celebrada o día 26 de decembro de 2013, concederlle á AGRUPACIÓN ARTÍSTICA FERROLÁ BOHEMIOS pola súa destacada contribución ao estudo e divulgación da nosa música e tradición, a INSIGNIA DE OURO do Concello.

O 11 de decembro de 2017, a Convención de Empresarios de Hostalería de Galicia, con motivo dun concerto no Gran Hotel Os Abetos, de Santiago de Compostela (A Coruña) outorgan á Agrupación a Medalla de Ouro de Radio Turismo.

O 4 de abril de 2025, reciben o galardón «Ártabro Cultura», enmarcado dentro dos premios Ártabros otorgados polo Diario Ferrolano Galicia Ártabra.

Na actualidade, a Agrupación está composta por 18 voces masculinas distribuídas en Tenores primeiros, Tenores segundos, Tenores terceiros, Barítonos e Baixos, quince instrumentos de corda conformados por guitarras, baixo eléctrico, laúdes, bandurrias, mandolinas e tamén uns Bongos/Congas.

Coa firme ilusión de exportar o seu quefacer musical fose de Galicia, nomearon como madriñas a dúas mulleres segovianas.

Madriña: Celi Gabiola Hermida
Director: José Miguel Calabuig Juan
Presidente: Rubén Xosé Leal Pantin